У Пружанскім раёне выдра справакавала ДТЗ, у якім цяжка траўмаваны кіроўца аўтамабіля, а яго жонка загінула.
Аварыя адбылася 30 чэрвеня прыблізна ў 22.20 на 3-м км аўтадарогі Р-101 Пружаны — Бяроза. Як паведамілі БелаПАН у аддзяленні па агітацыі і прапагандзе ДАІ УУС Брэсцкага аблвыканкама, 39-гадовы жыхар Пружанаў на аўтамабілі «Фольксваген-Шаран» перад закругленнем дарогі налева ўчыніў наезд на выдру, з'ехаў у правы кювет і стукнуўся ў прыдарожнае дрэва.
Работнікі МНС дэблакавалі з аўтамабіля кіроўцу і яго жонку. 37-гадовая жанчына ад атрыманых траўмаў памерла на месцы ДТЗ. Яе муж шпіталізаваны ў Пружанскую цэнтральную раённую бальніцу з закрытай чэрапна-мазгавой траўмай і пераломам асновы чэрапа.
Выдра загінула.
Па факце ДТЗ праводзіцца праверка.
