У Мінску адбыўся велазаезд з удзелам вядомых асоб, а ўвечары абяруць Веламіс-2016
Падчас міжнародных шашэйных велагонак «Кубак Мінска» і «Гран-пры Мінска» ад Палаца спорту па праспекту Пераможцаў прайшоў велазаезд з удзелам вядомых асоб.
Сярод вядомых асоб былі спявак Аляксей Хлястоў, свецкая львіца Ірына Кабасакал, беларускі дызайнер Наташа Поткіна.
Арганізатарамі мерапрыемства сталі роварны клуб «Мінск» і ГА «Мінскае роварнае таварыства».
Акрамя велазаезду, падчас «Кубка Мінска» і «Гран-пры Мінска» пройдзе конкурс Веламіс-2016. Раварысткі паўдзельнічаюць у разнастайных спаборніцтвах: велалабірынт, сэлфі з чэмпіёнам, язда на гіраскутарах, конкурс фотаздымкаў, а таксама дэфіле па чырвонай дарожцы.
Увечары журы абярэ «Веламіс Мінска — 2016», першую і другую віцэ-міс, а таксама «Міс веласпорт». З дапамогай гледачоў будзе вызначаная «Веламіс глядацкіх сімпатый», а ў сацсетках кожны зможа прагаласаваць за «Веламіс фота».
Каментары