Былы паўабаронца футбольнай зборнай Беларусі Максім Рамашчанка паразважаў аб палітычных пытаннях.
Рамашчанка — выхадзец з Украіны, але стаў гуляць за зборную Беларусі і стаў яе найлепшым снайперам.
— На Украіну часта ездзіце?
— Не заўсёды ўдаецца. Дзеці выраслі, трэба выдзяляць ім час, плюс праца. Хоць сваякоў там засталося шмат — і ў Кіеве, і ў Паўлаградзе. Дарэчы, я нарадзіўся ў Славянску, дзе ішлі актыўныя баявыя дзеянні, але блізкія адтуль даўно з'ехалі.
— У краіне моцна ўпаў узровень жыцця?
— Так, і шмат хто незадаволены палітыкай Парашэнкі. Шкада, што так адбываецца, што заходнія партнёры ўплываюць на крэўныя зносіны, якія адбудоўваюць стагоддзямі. Чужы чалавек перашкаджае і ламае нашу гісторыю.
— Вы шмат паездзілі па Еўропе. Яна гіне?
— Відаць, што часткова яе шантажуюць. Яна залежная ад заходніх сяброў і вымушана дзейнічаць пад ціскам. Усе гэтыя санкцыі ж дзейнічаюць супраць еўрапейскіх краін, і яны гэта разумеюць. Але не могуць нічога змяніць.
— Упэўнены, што Амерыка сапраўды марыць разваліць Расею?
— Вядома. Навошта тады яна спрабуе нас заняволіць? Жылі б ціха і спакойна. Напрыклад, калі ў нас на паліцах не было прадуктаў пры Гарбачове, ніякіх дзеянняў не рабілася. Майданы не ладзіліся, таму што мы не супраціўляліся. А тут Расея акрыяла духам, пачала заваёўваць аўтарытэт, і яны сталі ладзіць рэвалюцыі. Тут усё зразумела, — паведаміў Рамашчанка.