Павышаная актыўнасць пакупнікоў жылля, якую шмат хто называе «хапуном», працягвае назірацца і з надыходам лета. Тры апошнія месяцы ў Мінску рэгіструюць больш за 1300 угодаў куплі-продажу кватэр, пры сярэднім узроўні ў 900—1000 аб'ектаў. Ад празмернасці прапановы, якая назіралася яшчэ ў пачатку вясны, не засталося і следу.
У чэрвені ў параўнанні з траўнем колькасць угодаў павялічылася на 1%. Зрэшты, тут трэба адзначыць, што ў чэрвені было на 2 працоўныя дні больш. У цэлым, II квартал 2016 года аказаўся самым выніковым за апошнія 10 гадоў. У параўнанні з аналагічным перыядам мінулага года колькасць здзелак вырасла на 37% і гэта пры тым, што год таму актыўнасць пакупнікоў нельга было назваць нізкай. Можна сказаць, што за тры апошнія месяцы правялі 4-месячную норму ўгодаў.
Натуральнае следства павышанага попыту — гэта імклівае вымыванне прапановы. У чэрвені колькасць выстаўленых на продаж кватэр скарацілася на 6,4%, а ўсяго за апошнія 4 месяцы «усыханне» прапановы склала крыху менш за 30%.
Адносіны прададзеных кватэр да выстаўленых на продаж па выніках чэрвеня склала 1 да 5. Пры такой прапорцыі, як правіла, назіраецца павольны рост коштаў.
У траўні мы сталі сведкамі першага росту сярэдняй цэны здзелак ў 2016 годзе. На фоне рэзкага скарачэння прапановы асноўныя ачагі пакупніцкай актыўнасці ссоўваліся ў больш высокія цэнавыя дыяпазоны, дзе было больш магчымасцяў для выбару.
Чэрвеньская дынаміка попыту і прапановы спрыяла таму, каб гэтая тэндэнцыя атрымала працяг. Больш за тое, павялічыліся тэмпы росту коштаў.
Сярэдняя цана кватэр, разлічаная па дадзеных рэальных здзелак, вырасла ў чэрвені на 1,5% і дасягнула адзнакі ў 1105 $/м2.
У залежнасці ад колькасці пакояў сітуацыя была наступнай (+ абсалютныя цэны):
· 1-пакаёвыя кватэры: 1166$/м2 (+2,5% за месяц) — $ 41 400;
· 2-пакаёвыя кватэры: 1077$/м2 (+0,5%) — $ 52 000;
· 3-пакаёвыя кватэры: 1045$/м2 (+0,5%) — $ 69 400;
· 4-пакаёвыя кватэры: 1013$/м2 (+0,9%) — $ 80 150.
Такі невялікі разрыў паміж сярэднімі коштамі ўгодаў і прапановы ў апошні раз назіраўся ў снежні 2014 года — самым пачатку працяглага зніжэння коштаў.
З надыходам лета многія прадаўцы кватэр наогул перасталі карэктаваць кошты ў аб'явах у бок паніжэння. Новыя аб'екты, якія толькі выходзяць на рынак, часцяком маюць больш высокую цану, чым тыя, якія знаходзяцца ў продажы ўжо некалькі месяцаў.
Вельмі высокі попыт у апошнія месяцы азначае, што жыллёвае пытанне вырашылі не толькі тыя, каму гэта трэба было зрабіць «сёння», але і частка тых, каму гэтае пытанне трэба было вырашыць «заўтра». І калі гэта «заўтра» наступіць, бягучая гіперактыўнасць яшчэ адгукнецца дэфіцытам пакупнікоў.