Пра гэта паведамляе УУС Гродзенскага аблвыканкама.
На выходных ля Гродна праходзіў маштабны аўтафестываль. Нягледзячы на тое што сур'ёзных здарэнняў зафіксавана не было, завяршэнне свята азмрочыла масавая бойка.
«Каля 4:30 раніцы ў намётавым лагеры паміж прадстаўнікамі клубаў аматараў японскага і нямецкага аўтапрама завязалася бойка. Усё пачыналася з гарачых слоў, а пазней перарасло ў бойку. Па папярэдняй інфармацыі, у ёй удзельнічала каля 7 чалавек», — паведамілі ў прэс-службе УУС і дадалі, што ў асноўным усе абышліся ўдарамі.
Зрэшты, у 32-гадовага мужчыны дыягнаставаны пералом нагі. Траўму яму нанеслі два 20-гадовыя хлопцы — фанаты нямецкай школы аўтамабілебудавання
0
0
0
0
0
0