Мінэнерга пра магчымы інцыдэнт на будпляцоўцы БелАЭС: «Пакуль нічога не раскажам»
У Міністэрстве энергетыкі Беларусі рыхтуюць каментарый да інфармацыі, якая з'явілася сёння ў інтэрнэце, аб тым, што на будаўнічай пляцоўцы Беларускай АЭС нібыта здарыўся інцыдэнт, паведамілі ў прэс-службе ведамства.
«Пакуль нічога не раскажу. Мы разбіраемся. Інфармацыя з'явіцца на сайце міністэрства, магчыма, сёння, магчыма, заўтра», — сказала прэс-сакратар Мінэнерга Жанна Зянькевіч.
Як паведаміў шэраг СМІ, 10 ліпеня падчас пробнай трэніровачнай устаноўкі рэактара 330-тонны агрэгат сарваўся і ўпаў уніз з вышыні ад 2 да 4 метраў. Месца надзвычайнага здарэння ачэпленае і знаходзіцца пад пастаяннай і ўзмоцненай аховай.
У дырэкцыі будаўніцтва Беларускай АЭС каментарый таксама атрымаць не ўдалося.
Гэта не першае НЗ на будаўнічай пляцоўцы станцыі. Нагадаем, 5 мая МЗС Літвы ўручыла паслу Беларусі Аляксандру Каралю ноту з-за «магчымага інцыдэнту на размешчанай за 50 км ад Вільнюса Астравецкай атамнай электрастанцыі». Падставай стала апублікаваная на сайце тэлеканала «Белсат» інфармацыя аб тым, што ў сярэдзіне красавіка адбылося абрушэнні стоек будынка ядзернага абслугоўвання электрастанцыі, які ўзводзіцца. Наступным днём Мінэнерга Беларусі паведаміла, што 8 красавіка быў зафіксаваны дэфект пры падрыхтоўчых работах, наступствы якога ліквідаваныя.
Пазней літоўскі бок паведаміў яшчэ пра адзін нібыта зафіксаваны на будпляцоўцы інцыдэнт. Інфармацыя з гэтай нагоды таксама не была пацверджаная беларускім бокам, аднак гэта паслужыла падставай для ўручэння 8 чэрвеня ўжо другой ноты.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары