Беларусь узнялася на 1-е месца ў рэйтынгу УЕФА за гэты сезон 11

Дзякуючы паспяховаму выступу ў кваліфікацыйных раундах еўракубкаў Беларусь узнялася на прамежкавае 1-е месца каэфіцыентаў УЕФА за гэты сезон.

Гол БАТЭ ў вароты ірландскага «Дандалка». Фота Сяргея Гудзіліна.

1. Беларусь — 2,625
2. Данія — 2,500
3. Ліхтэнштэйн — 2,500
4. Іспанія — 2,285
5. Швецыя — 2,250
6. Сербія — 2,250
7. Ізраіль — 2,250
8. Аўстрыя — 2,125
9. Кіпр — 2,125
10. Харватыя — 2,000
11. Азербайджан — 2,000
12. Шатландыя — 2,000

У рэйтынгу па спецыяльнай формуле ўлічваюцца перамогі і нічыі, атрыманыя БАТЭ, мінскім «Дынама», «Шахцёрам» і «Тарпеда-БелАЗ».

У рэйтынгу за апошнія пяць гадоў Беларусь абыйшла Нарвегію і займае 18-е месца (19,500). Перад намі Аўстрыя, а ззаду Швецыя, Нарвегія і Данія.

Нагадаем, рэйтынг краін складаецца на падставе вынікаў усіх клубаў у Лізе чэмпіёнаў і Лізе Еўропы за апошнія пяць сезонаў. Паводле табліцы каэфіцыентаў УЕФА вызначаецца колькасць прадстаўнікоў краіны ў еўракубках. На дадзены момант Беларусь мае квоту на чатырох прадстаўнікоў: адзін - Ліга чэмпіёнаў, тры - Ліга Еўропы.

БЮ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ