Прэзідэнт ЗША Барак Абама назваў кандыдата ў прэзідэнты краіны ад Дэмакратычнай партыі Хілары Клінтан чалавекам, гатовым да ролі кіраўніка дзяржавы больш, чым хто-небудзь яшчэ ў гісторыі, у тым ліку чым ён сам і яе муж Біл Клінтан.
Такую заяву дзеючы прэзідэнт зрабіў на з'ездзе Дэмакратычнай партыі. Сваю пазіцыю Абама патлумачыў тым, што Хілары Клінтан працавала дзяржаўным сакратаром і ўжо ўдзельнічала ў прыняцці важных рашэнняў.
Менавіта досвед, на яго думку, робіць Хілары Клінтан найлепшым кандыдатам у прэзідэнты ЗША за ўсю гісторыю. Абама дадаў, што Клінтан ніколі не здаецца і стараецца даць кожнаму амерыканцу як мага больш магчымасцяў для поспеху ў жыцці.
У сваім выступе ён таксама даў справаздачу аб праведзенай ім працы і сфармуляваў задачы, якія стаяць перад наступным прэзыдэнтам ЗША.
У сваёй прамове прэзідэнт некалькі разоў узгадаў суперніка Клінтан — кандыдата ў прэзідэнты ЗША ад Рэспубліканскай партыі Дональда Трампа. Абама лічыць яго меркаванне пра эканоміку ЗША залішне песімістычным.
«Амерыка — ужо вялікая і моцная краіна», — сказаў ён, намякаючы на перадвыбарчы лозунг Трампа «Вернем Амерыцы веліч». Абама заклікаў выбаршчыкаў не паддавацца паніцы і глядзець у будучыню з аптымізмам, як гэта робіць Клінтан.
