У Гродне абваліўся бетонны брыль аднаго з жылых дамоў, а следам за ім і агароджа балкона 1

У Гродне ў жылым доме абрынулася агароджа балкона з-за падзення часткі бетоннага брыля будынка.

Як паведаміла Гродзенскае абласное ўпраўленне МНС, 27 ліпеня ў 13.03 паступіла паведамленне аб абрушэнні часткі бетоннага брыля будынка памерамі 0,5 на 15 метраў.

У выніку падзення кавалка бетону пашкоджаная металічная агароджа балкона кватэры, размешчанай на другім паверсе двухпавярховага шматкватэрнага жылога дома па вуліцы Пралетарскай.

Ніхто не пацярпеў. Прычына абвальвання высвятляецца.

112.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ