У пятніцу будзе яшчэ да +33, а спёка аслабее ўжо ў суботу.
30 ліпеня, ноччу месцамі, днём на большай частцы тэрыторыі краіны пройдуць кароткачасовыя дажджы, у асобных раёнах прагрымяць навальніцы. Тэмпература паветра ўначы складзе 13-20, удзень чакаецца 22-29 градусаў.
У нядзелю месцамі прагназуюцца кароткачасовыя дажджы, днём магчымы навальніцы. Ноччу і раніцай у асобных раёнах згусціцца слабы туман. Тэмпература паветра ўначы складзе 12-19 градусаў, днём будзе 21-28 цяпла.
У пачатку наступнага тыдня захаваецца няўстойлівае надвор'е.
У панядзелак і аўторак на большай частцы тэрыторыі чакаюцца кароткачасовыя дажджы, месцамі навальніцы. Тэмпература паветра ўначы складзе 13—20, днём будзе 21—28 градусаў. У панядзелак па паўднёвым усходзе паветра прагрэецца да 29-32 градусаў.