— Сапраўды, той ўраган прынёс нам даволі непрыемныя нечаканасці, — адзначыў кіраўнік «Белавія» Анатоль Гусараў. — Пацярпелі тры самалёты нашай авіякампаніі, пры гэтым, скажам, простыя драпіны мы не лічым.
У самалётаў CRJ і Boeing 737-800 пашкоджанні былі невялікімі, іх ліквідавалі за некалькі дзён, цяпер самалёты возяць пасажыраў.
— Вецер зрываў рэкламныя шчыты з аэравакзала, іх ламала і несла па аэрадроме, яны ўдараліся аб самалёты, — распавёў Анатоль Гусараў.
А вось лёс Boeing 737-300, які сутыкнуўся з грузавым самалётам кампаніі «Рубістар», пакуль нявызначаны.
Вецер 13 ліпеня зрушваў з месца нават самалёты. Фота: twitter.com
— Мы цяпер разам са спецыялістамі «Боінга» і страхавымі фірмамі вывучаем пытанне, пакуль не вызначылі ў поўнай меры характар пашкоджанняў. Я скажу, што пытанне стаіць так: 50 на 50 — ці будзем мы яго аднаўляць, ці прыйдзецца спісаць. Стане ясна, калі спецыялісты «Боінга» дэталёва ўсе вывучаць. Можа быць, пашкоджанні настолькі сур'ёзныя, што даражэй будзе рамантаваць. Наколькі я ведаю, грузавы самалёт таксама будуць спісваць, — сказаў на заканчэнне суразмоўца.
