Усяго ў алімпіядзе ўзялі ўдзел 264 чалавекі з 67 краін свету. Сярод залатых медалістаў ёсць наш Канстанцін Анісовіч (навучэнец гімназіі № 13 Мінска).
Пры гэтым залаты медаль не азначае абсалютнай перамогі, таму што медалёў кожнай вартасці раздаюць некалькі дзясяткаў. Срэбра заваявалі Раман Ларковіч і Рыгор Сіненка (абодва з ліцэя БДУ), а таксама Міраслаў Макарэвіч (мінская школа № 47).
На фота ў ніжнім шэрагу злева направа: Міраслаў Макарэвіч, Канстанцін Анісовіч, Раман Ларковіч, Рыгор Сіненка.
Як зазначыў адзін з трэнераў каманды, навуковы супрацоўнік Інстытута фізіка-арганічнай хіміі НАН Беларусі, Максім Фаміч, такі вынік — падзея выбітная на фоне складанасці заданняў і міжнароднай канкурэнцыі, асабліва з хлопцамі з паўднёва-ўсходняй Азіі.