Ва ўсім свеце зафіксавана не больш за сотню такіх хворых. Лекаў, здольных стрымаць імклівае старэнне, пакуль няма і пацыенты, якія пакутуюць прагерыяй, рэдка дажываюць да дарослага ўзросту. Сярэдняя працягласць жыцця дзяцей складае каля 13 гадоў.
Мяркуецца, што прычынай развіцці прагерыі з'яўляецца мутацыя, якая закранае ген LMNA. Зафіксаваныя выпадкі захворвання ў дзяцей, народжаных у блізкароднасных шлюбах (бацька і маці Байезіда з'яўляюцца стрыечнымі братам і сястрой), але акрамя гэтага вядома і аб спарадычных выпадках. Захворванне не заўсёды бачнае адразу пасля нараджэння дзіцяці — сімптомы могуць з'явіцца толькі на 2-3 годзе жыцця.
Разумова развіццё дзіцяці цалкам адпавядае ўзросту, а вось вонкава ён адрозніваецца ад аднагодкаў. Хлопчык сталее і старэе ў 8 разоў хутчэй нормы, тлумачаць лекары, якія назіралі дзіця.
Маці малога, 18-гадовая Трыпці Хатун (Tripti Khatun), распавяла, што ўсе зубы з'явіліся ў дзіцяці яшчэ ў трохмесячным узросце, а цяпер некаторыя з іх ужо выпалі або зламаліся.
Яму ўсяго чатыры, але скура на яго целе і твары зморшчылася, ёсць праблемы з суставамі і працай мочапалавой сістэмы. Акрамя прагерыі, у дзіцяці дыягнаставалі і іншае захворванне — генералізаваны эласталіз. У такіх пацыентаў зніжана эластычнасць цягліцавых валокнаў скуры і ўнутраных органаў, што вядзе да развіцця шматлікіх ускладненняў.
