Фота static6.techinsider.io.
Да пераменаў Facebook падштурхнулі шматлікія скаргі: карыстальнікі незадаволеныя тым, што загалоўкі артыкулаў уводзяць у зман ці не ўтрымліваюць ключавую інфармацыю, а толькі прымушаюць чытача клікнуць.
Гаворка ідзе пра такія загалоўкі, як «Яна зазірнула пад падушку і ўбачыла гэта… Я быў у шоку!», «Сабака аббрахаў паштальёна, яго рэакцыя была цудоўная», «Ён паклаў часнык у чаравікі, перад тым як легчы спаць, у тое, што адбылося далей, немагчыма паверыць».
Кампанія вылучае два тыпы «клікбэйт» (ад слоў Click (клікнуць) і Bait (прынада)) загалоўкаў.
Гэта загалоўкі, якія не даюць загадзя зразумець змест матэрыялу («Вы не паверыце, хто спатыкнуўся і ўпаў на чырвонай дарожцы») і загалоўкі, якія перабольшваюць значнасць інфармацыі («Ці праўда, што яблыкі шкодныя для вас?»).
Створаны пасля аналізу дзясяткаў тысяч падобных матэрыялаў алгарытм працуе па аналогіі са спам-фільтрам у электроннай пошце.
Публікацыі сайтаў, якія дрэнна сябе зарэкамендавалі, і старонак у сацсетцы будуць радзей з'яўляцца ў стужках карыстальнікаў.
