У Кітаі на электрастанцыі ў выніку выбуху паравой трубы, якая знаходзілася пад высокім ціскам, загінуў 21 чалавек. Па меншай меры пяць чалавек атрымалі раненні.
Трагедыя адбылася ў горадзе Данян у цэнтральным Кітаі. На месцы выбуху працуюць ратавальнікі, прычыны надзвычайнага здарэння пакуль не высветленыя.
У Кітаі часта адбываюцца трагічныя здарэнні на вытворчасці, нягледзячы на намаганні ўрада краіны, накіраваныя на павышэнне бяспекі працы.
Год таму выбух на хімічным прадпрыемстве ў паўднёвым партовым горадзе Цяньцзінь забраў жыцці 173 чалавек.
0
0
0
0
0
0