На летніх Алімпійскіх гульнях у Рыа-дэ-Жанейра Аляксандра Герасіменя выступіць у паўфінальным заплыве на 50 м вольным стылем.
12 жніўня ў кваліфікацыі яна заняла трэцяе месца (24,42 секунды), увайшоўшы, такім чынам, у лік 16 спартсменак, якія прайшлі адбор.
Беларуска Юлія Хітрая паказала 27-ы час (25,18).
Паўфінал адбудзецца рана раніцай 13 жніўня па мінскім часе.
Чатыры гады таму на Алімпіядзе ў Лондане Герасіменя заваявала сярэбраны медаль на гэтай дыстанцыі. Такі ж вынік яна паказала і на стометроўцы вольным стылем (цяпер не трапіла ў фінал).