Надзея Ляпешка і Марына Літвінчук занялі 6-е месца ў фінале заезду на 500 метраў байдарак-двоек у Рыа-2016 з вынікам 1 хвіліна 46,967 секунды.
Выйграла гонку Венгрыя (Габрыэла Жабо, Данута Козак, вынік — 1:43,687).
У Германіі (Францыска Вебэр, Ціна Датцэ) —2-е месца (1,43,738), у Польшчы (Караліна Ная/ Беата Мікалайчык, 1:45,207) — 3-е месца.
***
Нагадаем, што на Алімпіядзе ў Рыа ў Беларусі — пяць медалёў: адно золата, два срэбры і дзве бронзы.
Сёння пачынаецца кваліфікацыя ў забегу на 100 м з бар'ерамі і жанчын, дзе выступаюць Аліна Талай і Кацярына Паплаўская, а таксама ў кваліфікацыі кідання кап'я (Таццяна Халадовіч і Таццяна Корж). Фінал тут пройдзе ў ноч на чацвер.
Вольга Сударава паспрабуе сёння пераадолець кваліфікацыю ў скачках у даўжыню, а Кацярына Белановіч выступіць у паўфінале бегу на 400 м з бар'ерамі. У кваліфікацыі скачкоў з шастом выступіць Ірына Якалцэвіч.
Сёння заключны дзень у турніры барцоў грэка-рымскага стылю. У вагавой катэгорыі да 98 кг шчасця пашукае беларускі атлет Цімафей Дзейнічэнка. Першы бой у 16:08.
У мужчынскіх спаборніцтвах па цяжкай атлетыцы ў суперцяжкай вазе (звыш 105 кг) выступіць беларускі штангіст Аляксей Мжачык. Пачатак у 21:30
У омніуме (від веласпорту) працягне спаборнічаць Таццяна Шаракова.
