Паралімпійскай зборнай Беларусі адмовілі ў праве несці сцяг Расіі на цырымоніі адкрыцця. Пра гэта радыёстанцыі «Гаворыць Масква» паведамілі ў прэс-службе Міжнароднага паралімпійскага камітэта, адзначае lenta.ru
«Расія не мае права выступаць на Паралімпійскіх гульнях ў 2016 годзе ў Рыа, таму ніхто не будзе несці расійскі сцяг на цырымоніі адкрыцця. Калі беларускія спартсмены панясуць расійскія сцягі падчас цырымоніі адкрыцця, то гэта будзе разглядацца як палітычны пратэст», - адзначылі ў МПК.
У камітэце дадалі, што ў такім выпадку «у дачыненні да адпаведных спартсменаў і / або нацыянальнага паралімпійскага камітэта будуць прынятыя пэўныя захады».
Раней паведамлялася, што беларускія паралімпійцы выказалі поўную падтрымку расійскім калегам у сувязі з іх зняццем з Гульняў у Рыа-дэ-Жанейра.
Праўда, пазней старшыня Паралімпійскага камітэта Беларусі Алег Шэпель заявіў, што яго словы няправільна інтэрпрэтавалі.
«Што тычыцца расійскага сцяга, што мае папярэднія словы не так зразумелі або інтэрпрэтавалі, — сказаў Алег Шэпель «Камсамолцы». — Не трэба блытаць спорт з палітыкай. Афіцыйная дэлегацыя, якая выйдзе на стадыён «Маракана», будзе несці дзяржаўны сцяг Беларусі. І ніякі іншы. Што тычыцца афіцыйных асоб, у тым ліку мяне, то пацвярджаю, што я сапраўды ў ложы для гасцей буду трымаць не толькі сцяг Беларусі, але і Расіі. У нас шмат агульнага…».
Цяпер чытаюць
Заканчваецца тэрмін даўніны па народным пратэсным артыкуле. Больш нікога не пасадзяць? Не, ёсць нюансы3
Каментары