Сёння адбудзецца ці не самы важны матч футбольнага лета ў беларускіх рэаліях. На «Барысаў-Арэне» а 21-й гадзіне згуляюць у матчы кваліфікацыі Лігі Еўропы БАТЭ і «Астана».
Тыдзень таму атрымаў траўму Аляксандр Глеб
Тыдзень таму БАТЭ, які у пачатку жніўня з трэскам вылецеў з футбольнай Лігі чэмпіёнаў, дзе ў групавым раўндзе правёў пяць сезонаў,
прайграў у сталіцы Казахстана з лікам 2:0. Атрымалі траўмы Аляксандр Глеб і Сяргей Верамко.
Цяпер, каб выйсці ў групавы турнір Лігі Еўропы (у ёй БАТЭ гуляў у сезонах 2009/2010 і 2010/2011), трэба перамагаць з розніцай у тры мячы. Інакш заўзятары застануцца без футбольнай восені.
Лёсаванне групавога турніру ЛЕ пройдзе ў пятніцу. Будзе створана 12 групаў па чатыры каманды.
А сёння пройдзе лёсаванне групавога турніру футбольнай Лігі чэмпіёнаў, куды прабіўся расійскі «Растоў» з Цімафеем Калачовым.
Учора «Растоў» разграміў «Аякс» 4:1, а Калачоў зрабіў галявую перадачу.
А вось кіпрскі АПОЭЛ з Рэнанам Брэсанам выбыў з турніру, прайграўшы «Капенгагену».