3 верасня. 12 гадзін спаборніцтваў з 6 раніцы. Розныя маршруты, розныя людзі і розныя віды. АПБ запрашае ўсіх, хто цікавіцца птушкамі, удзельнічаць у XIII адкрытым чэмпіянаце Беларусі па спартыўнай арніталогіі — Birdrace-2016! Спаборніцтвы па традыцыі пройдуць у першую суботу восені — 3 верасня.
Фармат спаборніцтваў: 6 гадзін раніцы — старт для каманд. Што трэба рабіць і як выйграць? Мэта каманд з 4-х чалавек — убачыць на працягу 12 гадзін больш відаў птушак, чым іншыя каманды. Можна карыстацца любымі транспартнымі сродкамі.
Хто можа ўдзельнічаць? Усе ахвотныя, у тым ліку жыхары іншых краін. Два прадстаўніка каманды павінны быць старэйшыя за 18 гадоў.
Як зарэгістраваць каманду? Дашліце заяўку ў Сакратарыят АПБ да 18.00 2 верасня на [email protected].
Што пазначыць пры рэгістрацыі каманды?
- Назва каманды
- Склад каманды (4 чалавека, узрост як мінімум 2-х павінны быць больш за 18 год. пазначце капітана каманды)
- Месца старта
- Нумар тэлефона для сувязі
Не адкладайце падачу заяўкі на апошнія дні: запрашайце сяброў і плануйце выходныя зараз!
У мінулым годзе пад час 12-гадзінных спаборніцтваў каманда «Цмокі» ўбачыла 112 відаў птушак і стала пераможцам.
Каманда «Цмокі» (злева направа: Дз.Харковіч, Дз.Табуноў (капітан), Ю.Янкевіч, І.Багдановіч)
Цікава, што сучасны рэкорд для 12-гадзінных спаборніцтваў у Беларусі — 120 відаў. У 2014 годзе у спіс каманды «Арлы і стрынаткі» патрапілі 120 відаў птушак.
Каманда «Арлы і стрынаткі»
Ці будзе пастаўлены новы рэкорд у гэтым годзе? Ці зможам мы адшукаць магію лічбаў чэмпіянату, як у мінулым годзе? Ці пойдуць каманды старымі маршрутамі? І, канешне, хто стане самым спрытным? Хутка даведаемся адказы на гэтыя і іншыя пытанні!
А пакуль — чакаем вашых заявак! Birdrace — унікальныя спаборніцтвы: паспейце далучыцца!
Даведка:
- Пераможцы і ўдзельнікі чэмпіянату-2015 — тут.
- Агляд чэмпіянату-2015 — тут.
- Спампаваць правілы чэмпіянату па спартыўнай арніталогіі (правілы ад 12 жніўня 2016 г.)