Аўтарытэтнае выданне «Фергана» паведаміла пра смерць прэзідэнта Узбекістана Іслама Карымава. Па інфармацыі крыніц партала, смерць адбылася ў 15-16 гадзін па ташкенцкім часе (каля 13-14 гадзін па беларускім).
Іслам Карымаў быў шпіталізаваны ў суботу раніцай з-за мазгавога кровазліцця.
Ён займаў пасаду прэзідэнта Узбекістана з сакавіка 1990 года. У сакавіку 2015 года ён быў чарговы раз пераабраны на сваю пасаду. На выбарах ён набраў больш за 90% галасоў.
***
Крыху пазней расійскія агенцтвы са спасылкай на крыніцы ў апараце прэзідэнта Узбекістана абверглі пра смерць Іслама Карымава. Ніякіх афіцыйных заяў уладаў Узбекістана з гэтай нагоды не паступала.
«Яго стан медыкі ацэньваюць як стабільны», - сказала крыніца агенцтва Інтэрфакс. Такую ж ацэнку стану здароўя Карымава дала крыніца расійскага дзяржаўнага агенцтва РІА Навіны.
Агенцтва не прыводзяць імёны сваіх суразмоўцаў.
Прэс-сакратар расійскага прэзідэнта Дзмітрый Пяскоў не пацвердзіў інфармацыю пра смерць Карымава выданню Life.ru.
Каментары