Абвешчаны шорт-ліст літаратурнай прэміі імя Ежы Гедройца, у яго увайшлі шэсць кнігаў, паведамляе афіцыйны сайт прэміі. Сёлета ўзнагарода будзе ўручацца чацверты раз.
Прыводзім намінантаў у алфавітным парадку.
Адамовіч Андрэй. Таўсціла і лешч.
Акудовіч Валянцін. Прачнуцца ранкам у сваёй краіне.
Бахарэвіч Альгерд. Белая муха, забойца мужчын.
Пашкевіч Алесь. Рух.
Скарынкіна Таня. Шмат Чэслава Мілаша, крыху Элвіса Прэслі.
Шчур Макс. Завяршыць гештальт.
***
Абвяшчэнне і ўшанаванне пераможцы(-аў) сёлета мелася адбыцца ў чэрвені, але ў пачатку лета быў абвешчаны доўгі спіс.
Сярод узнагародаў — магчымасць выдаць кнігу ў Польшчы, літаратурныя стыпендыі і запрашэнні ў еўрапейскія дамы творчасці.
Папярэднімі ўладальнікамі галоўнай прэміі былі Павел Касцюкевіч, Уладзімір Някляеў, Віктар Казько.
