На 42-й Сусветнай шахматнай алімпіядзе ў Баку ў панядзелак здарылася сенсацыя. Міністр фінансаў Латвіі Дана Рэйзніеце-Озала выйграла белымі фігурамі ў лідара жаночага рэйтынгу FIDE і дзеючай чэмпіёнкі свету Хоў Іфань з Кітая.
lsm.lv
Дана Рэйзніеце-Озала з'яўляецца лідарам зборнай Латвіі на гэтай алімпіядзе і выступае на першай дошцы. Гэта значыць, што ёй дастаюцца сустрэчы з наймацнейшымі шахматысткамі іншых каманд.
У чацвёртым туры жаночая зборная Латвіі гуляла з Кітаем, Рэйзніеце-Озала — супраць лідара сусветнага рэйтынгу Хоў Іфань (2645 балаў). Для параўнання ў латвійскай шахматысткі тут толькі 64-е месца (2338).
Кітайская шахматыстка, якой 22 гады, у свой час стала самай маладой чэмпіёнкай свету па шахматах, выйграўшы першынство ў 16-гадовым узросце. Цяпер яна таксама валодае сусветнай шахматнай каронай.