Баксёр і спявак Brutto Віталь Гуркоў апублікаваў у сваім інстаграме чарговае фота з гімнасткай Мелітай Станютай.
Віталь абдымае дзяўчыну, а яна пяшчотна да яго лашчыцца.
Гэта ўжо трэці здымак, на якім зорная беларуская пара разам — першае фота перадрукоўвала і «Наша Ніва», а другое Віталь выдаліў са свайго інстаграма літаральна праз гадзіну пасля публікацыі.
Што вядома пра пару? Пакуль што Віталь і Меліта не каментуюць сваіх адносін.
Але, як высветліла «Наша Ніва», у Меліты Станюты цяпер адпачынак. Апошнія апублікаваныя ёю самой фота — з Польшчы. Гданьска і Варшавы.
Зробленае Гурковым супольнае фота — таксама з Гданьска. Геалакацыя пазначае яго польскім горадам на Балтыцы.
Выглядае, што чэмпіёнку і чэмпіёна можна павіншаваць з новым здабыткам.