Беларуская партыя «Зялёныя» не прызнала вынікі выбараў.
«Мы заяўляем аб сваім непрызнанні вынікаў гэтых выбараў і заклікаем назіральнікаў, міжнародныя арганізацыі і сусветную супольнасць даць аб'ектыўную ацэнку таму, што адбылося», — гаворыцца ў заяве партыі.
«Зялёныя» мелі пяцёх кандыдатаў у дэпутаты. Як гаворыцца ў заяве, удзел у выбарах не сьведчыць пра іх легітымізацыю:
«Наадварот, мы ставілі сваёй мэтай дэманстрацыю фактаў падману, выкрыццё шоу несправядлівасці і прыніжэння грамадзян, якое праводзіцца ў Беларусі пад назвай «выбары».
«Мы не разлічвалі на тое, што выбары стануць адкрытымі, дэмакратычнымі і справядлівымі, паколькі ўлады не стварылі для гэтага ніякіх умоў, нішто не паказвала на кардынальныя перамены», — кажуць «Зялёныя».
Паводле заявы, важнай мэтай удзелу «зялёных» у выбарах было «прыцягненне ўвагі да праблемы будаўніцтва Астравецкай атамнай электрастанцыі».
«Мы заяўлялі і заяўляем, што гэты небяспечны і эканамічна нявыгадны для Беларусі праект павінен быць спынены».