Reuters.com
Кіраўнік Федэрацыі футбола Славеніі Аляксандр Чэферын абраны прэзідэнтам Саюза еўрапейскіх футбольных асацыяцый (УЕФА) на пазачарговым кангрэсе арганізацыі ў Афінах.
На гэту пасаду таксама прэтэндаваў прэзідэнт Каралеўскага футбольнага саюза Галандыі Майкл ван Праг. У ходзе галасавання ён набраў 13 галасоў, у той час як Чэферын - 42 галасы.
Новы прэзідэнт абраны на 2,5 года да наступнага кангрэса.
Чэферын, які ніколі не працаваў у выканаўчым камітэце УЕФА, стане сёмым прэзідэнтам за 62-гадовую гісторыю саюза.
«Мая маленькая і прыгожая Славенія вельмі ганарыцца гэтым, і я спадзяюся, што аднойчы вы таксама будзеце мной вельмі ганарыцца», — цытуе Асашыэйтэд прэс выступ Чэферына перад дэлегатамі УЕФА.
0
0
0
0
0
0
