Надоечы "Наша Ніва" зьмясьціла інфармацыю пра тое, што Менск займае апошняе месца ў Эўропе паводле якасьці жыцьця.
З гэтым рэйтынгам можна спрачацца, але, сапраўды, у параўнаньні з эўрапейскімі сталіцамі Менск выглядае сумнавата. Гэтак, вулічныя артысты - надзвычай рэдкая зьява на менскіх вуліцах. Таму пантаміма ў выкананьні двух маладых людзей у падземным пераходзе пад плошчай Перамогі выклікала немалую цікавасьць у мінакоў.