Фота прэс-службы прэзідэнта Украіны.
У часе наведвання Ізраіля для ўдзелу ў пахаванні былога кіраўніка краіны Шымона Перэса Пятро Парашэнка меў сустрэчу з патрыярхам Іерусалімскім Феафілам ІІІ.
Разам з ім Пятро Парашэнка пабываў у храме Труны Гасподняй.
«Ойча, вашы малітвы гранічна важныя для народа Украіны», — сказаў прэзідэнт Украіны ў звароце да патрыярха.
Ён выказаў падзяку Феафілу III за падтрымку з боку Іерусалімскага патрыярхату ў працэсе ажыццяўлення памкненняў ўкраінскага народа аб'яднацца ў Адзіную памесную аўтакефальную Украінскую праваслаўную царкву.
На сёння ва Украіне існуе як УПЦ Кіеўскага патрыярхата, так і УПЦ Маскоўскага патрыярхата, а таксама меншыя па колькасці вернікаў Украінская грэка-каталіцкая царква і Украінская аўтакефальная праваслаўная царква.