Свет

Больш за 150 краін дамовіліся скараціць выкіды парніковых газаў з кандыцыянераў

Больш за 150 краін дамовіліся скараціць выкарыстанне гідрафторвугляродаў, негатыўны ўплыў якіх на клімат, як мяркуецца, у некалькі тысяч разоў горшы, чым дыяксід вугляроду.

Гідрафторвугляроды выкарыстоўваюцца ў асноўным пры вытворчасці халадзільнікаў і кандыцыянераў. Аб'ёмы выкідаў гэтых рэчываў адносна невялікія, але яны могуць заставацца ў атмасферы на сотні гадоў, «замыкаючы» цяпло ўнутры атмасферы.

Дамоўленасць аб скарачэнні выкарыстання гідрафторвугляродаў дасягнутая ў сталіцы Руанды — Кігалі. Згодна з угодай, усе краіны падзяляюцца на тры групы.

Першая група ўключае развітыя краіны, у тым ліку ЗША і большасць еўрапейскіх дзяржаў. Яны павінны скараціць выкарыстанне гідрафторвугляродаў на 10% да 2019 года і на 85% — да 2036 годзе.

Другая і трэцяя групы краін, якія развіваюцца, перастануць нарошчваць выкарыстанне гідрафторвугляродаў да 2024 і 2028 гадах адпаведна. Пасля гэтага яны пачнуць скарачаць аб'ёмы выкарыстання гэтых шкодных рэчываў.

Вытворцы халадзільнікаў і кандыцыянераў пачалі выкарыстоўваць гідрафторвугляроды пасля таго, як былі забароненыя хлорфторвугляроды.

Гэтыя рэчывы разбуралі азонавы пласт, і іх вырашылі замяніць на гідрафторвугляроды. Замена спрацавала, але пазней высветлілася, што гідрафторвугляроды затрымліваюць цяпло ў атмасферы ў некалькі тысяч разоў больш эфектыўна, чым дыяксід вугляроду.

Выкіды гідрафторвугляродаў невялікія, але стабільна растуць на 10-15% у год, бо попыт на кандыцыянеры павялічваецца, асабліва ў краінах, якія развіваюцца.

Дзяржсакратар ЗША Джон Керы назваў дасягнутае ў Кігалі пагадненне «гіганцкім крокам наперад».

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Колькі афіцыйна зарабляюць сыны Аляксандра Лукашэнкі?4

Колькі афіцыйна зарабляюць сыны Аляксандра Лукашэнкі?

Усе навіны →
Усе навіны

Украінцы ўдарылі «Хаймарсам» па расійскім пункце кіравання ў Суджанскім раёне3

Маці засекла сякерай траіх сваіх дзяцей у Краснаярскім краі4

Беларускія медыкі выратавалі дзяўчынку, якая нарадзілася масай 600 грамаў

Пры ўдары па Сумах загінуў камандзір артылерыйскай брыгады1

Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым8

Гламурны космас. Джэф Безас адпраўляе сёння ў космас сваю нявесту і яшчэ пяць жанчын4

Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні4

Лаўроў запатрабаваў распусціць НАТА20

У падаткавай перасцераглі ад продажу білетаў на хакейнае «Дынама»

больш чытаных навін
больш лайканых навін

Колькі афіцыйна зарабляюць сыны Аляксандра Лукашэнкі?4

Колькі афіцыйна зарабляюць сыны Аляксандра Лукашэнкі?

Галоўнае
Усе навіны →

Заўвага:

 

 

 

 

Закрыць Паведаміць