Грамадства4747

SOS! У Астраўцы высякаюць векавыя дубы

Жыхары Астраўца абураныя: у сувязі з разбудовай горада вакол яго знішчаюць векавыя дубы. «На гэтым месцы будуць пракладаць газаправод», — апраўдваецца дырэктар мясцовага вытворча-рамонтнага ўчастка Казімір Багдановіч. Але няўжо нельга было абмінуць такое хараство?

«Месца ім мала! Высякаюць такія дрэвы, якія былі б аздобай любога горада, любога квартала! Ды ў любой краіне людзі гатовыя дорага заплаціць, каб мець такі прыгожы дуб на сваёй вуліцы, а ў нас трацяць бензін і псуюць пілы на зразанне», — эмацыйна напісаў нам чытач з Астраўца, які папрасіў падпісаць яго Мар'янам (адрас у Рэдакцыі ёсць).

Высветлілася, што займаецца работамі даччынае прадпрыемства мясцовага ЖКГ пад назвай «Вытворча-рамонтны ўчастак».

Там пацвердзілі, што некалькі дубоў на скрыжаванні вуліц Кастрычніцкай і Незалежнасці на выездзе з Астраўца сапраўды падлягаюць знішчэнню.

Гэта абумоўлена планам забудовы, які ўжо прайшоў усе экспертызы і зацверджаны. На гэтым месцы будуць пракладаць газаправод, кажа дырэктар прадпрыемства Казімір Багдановіч.

Але ў «Вытворча-рамонтным ўчастку» запэўнілі, што знішчаныя будуць толькі некалькі дрэваў. «Можа тры, можа чатыры», — кажа Багдановіч.

Тым часам «Наша Ніва» атрымала ўжо іншы ліст ад чытачоў Вячаслава П. і Дзіяны Д., якія скардзяцца, што «пад нож» пойдзе цэлы ландшафтны луг — больш за 40 дрэваў. Вось гэты:

Гэта нібыта будзе выклікана будоўляй новага мікрараёна паміж вёскамі Каменка, Слабодка і самім Астраўцом.

Але ж у вытворча-рамонтным участку кажуць, што пра гэта ім нічога не вядома — ва ўсякім разе пакуль што, загад на знішчэнне дрэваў не паступіў, сцвярджае дырэктар Багдановіч.

«Наша Ніва» будзе далей сачыць за сітуацыяй, але звароты ў мясцовыя кантралюючыя органы павінны пісаць і самі жыхары, каб зберагчы мясцовую прыгажосць.

Адрас Астравецкага райвыканкама: 231201, г. Астравец, вул. К.Маркса, 2. Тэлефон: (01591) 2-12-24. Займаецца такімі пытаннямі аддзел ЖКГ і галоўны архітэктар раёна.

Каментары47

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Муж Сямашкі быў не адзіным, хто атрымаў пашпарт прыкрыцця 13 лютага 2018 года46

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Усе навіны →
Усе навіны

«Прабачце, беларусы!» Жыхарка Слуцка ўзяла на сябе адказнасць за красавіцкія снегапады3

«Наступілі на руку і зламалі тры пальцы, білі электрошокерам у пах» — экс-палітвязень з суполкі «Саюз беларускага нацыянальнага шчыта»2

У Беларусі выкрылі схему незаконнай легалізацыі замежнікаў1

У Мінску прадаюць кватэру ў стылі палаца3

Дэфіцыт жалеза: як яго распазнаць?1

«Польшча для хлопца — квіток у адзін канец на 10+ гадоў». Куды паступаюць дзеці айцішнікаў10

Кадэбэшнік адпраўляў прастытутак у Фінляндыю, а цяпер арыстакрат. Як сям'я расійскіх шпіёнаў ператварылася ў еўрапейскіх магнатаў7

Еўрасаюз запусціў праграму падтрымкі адукацыі беларусаў, якія пацярпелі ад палітычных рэпрэсій6

На станцыі метро «Маскоўская» спыніўся цягнік

больш чытаных навін
больш лайканых навін

Муж Сямашкі быў не адзіным, хто атрымаў пашпарт прыкрыцця 13 лютага 2018 года46

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Галоўнае
Усе навіны →

Заўвага:

 

 

 

 

Закрыць Паведаміць