Пасьля нуднага 120-хвіліннага таптаньня Гішпанія перамагла Італію па пэнальці 4:2.
Абедзьве каманды хваляваліся ў сэрыі адзінаццацімэтровых. Гішпанцаў пашчасьціла трохі больш.
Цяжка сказаць, хто больш заслугоўваў перамогі. Абедзьве каманды гралі брудна. Нападнікі сымулявалі парушэньні супраць іх - аж урэшце Вілья схапіў за гэта жоўтую картку. Бліскуча стаялі варатары, што Буфон у італьянцаў, што Касільяс у гішпанцаў. Касільяс, узяўшы пару небясьпечных мячоў у часе гульні і два пэнальці, стаў на гэтую ноч нацыянальным героем і аб'ектам пакланеньня Пірэнэйскае паўвыспы.
Гішпанцы перайгралі італьянцаў упершыню зь незапамятных часоў, а калі дакладней - ад 1920 году. У статыстыкаў усё падлічана. Аднак з такой гульнёй ім цяжка будзе другі раз зрабіць каманду Расіі, якая намацала гульню.
Эўропа працягвае свой футбольны адпачынак.
