На 230-м агульнавайсковым палігоне кіраўніку Беларусі былі прадэманстраваныя два новыя сучасныя верталёта Мі-8МТВ5 расійскай вытворчасці, піша афіцыйная газета Мінабароны.
Адзін з новых верталётаў прызначаны для пошукава-ратавальных работ, другі — транспартна-баявы.
Расійскі Мі-8 МТВ5
Усяго Ваенна-паветраныя сілы краіны і войскі супрацьпаветранай абароны атрымаюць 12 такіх верталётаў. Беларусь ужо атрымала 6 Мі-8 МТВ5.
Верталёты вырабляе расійскі Казанскі верталётны завод.
Кантракт на пастаўку 12 ваенна-транспартных машын быў падпісаны на міжнародным форуме «Армія-2015», які праходзіў у Падмаскоўі ў мінулым годзе.
Верталёт мае сістэму абароны ад зенітна-ракетных комплексаў, можа несці даволі моцнае ўзбраенне: бомбы масай да 2-х тон ці чатыры блокі некіраваных авіацыйных ракет НАР С-8 ці авіяцыйныя гарматы.
Як транспарт машына бярэ на борт да 36 дэсантнікаў ці 12 параненых разам з медыцынскім персаналам ці 4 тоны грузу ў кабіне ці на знешняй падвесцы. Максімальная хуткасць — да 250 км/г.
Мі-8 МТВ5 мае сістэму начнога бачання, сучасную сістэму навігацыі.