ria.ru
Як паведамляе агенцтва Reuters, былы афіцэр ВПС Балгарыі Румен Радзеў, па дадзеных апытанняў на выхадзе з выбарчых участкаў, набраў 58% галасоў у другім туры прэзідэнцкіх выбараў. Яго асноўны апанент — паплечніца дзеючага прэм'ера Балгарыі Бойкі Барысава Цецка Цачава — 35%.
Адразу пасля абвяшчэння дадзеных экзітполаў Барысаў заявіў аб адстаўцы ўрада. Афіцыйна аб сыходзе цяперашняга кабінета будзе абвешчана 14 лістапада ў ходзе пасяджэння парламента краіны.
Радзеў падчас перадвыбарнай кампаніі карыстаўся падтрымкай Сацыялістычнай партыі Балгарыі. Цачава і яе прыхільнікі вінаваціла яго ў тым, што ён з'яўляецца «прарасійскім кандыдатам», бо Радзеў заяўляў аб планах палепшыць адносіны з Масквой і выступаў за зняцце санкцый Еўрасаюза, накладзеных з-за сітуацыі вакол Крыма і Данбаса.
Пры гэтым сацыялісты і Радзеў цвёрда трымаюцца арыентацыі на Еўрасаюз і НАТА.
