Пра гэта паведаміў БелТА намеснік генеральнага дырэктара ДВА «Гаррамаўтадар Мінгарвыканкама» Анатоль Жамоздзік.
«Сітуацыя штатная, цяпер працуе 369 адзінак тэхнікі, не менш за 300 машын выйдуць на ўборку вуліц у начную змену. Праведзеная апрацоўка дарожнага палатна процігалалёднымі матэрыяламі. Намаганні будуць накіраваныя на ачыстку пешаходных зон, прыпынкаў грамадскага транспарту, уваходаў у падземныя пешаходныя пераходы», — адзначыў Анатоль Жамоздзік.
Усяго ў сталіцы да працы ў асенне-зімовы перыяд падрыхтавана 727 адзінак тэхнікі для ўборкі тэрыторый і вывазу снегу. Акрамя таго, дарожныя службы ў моцныя снегапады могуць прыцягваць да 300 адзінак тэхнікі іншых арганізацый у змену. Добраўпарадкавана 18 пляцовак для часовага складавання снегу, нарыхтавана каля 56 тыс. т пясчана-саляной сумесі.
