Амерыканскі часопіс Time назваў шорт-ліст рэйтынгу «Чалавек года». Ён быў апублікаваны на сайце выдання.
Time
У спіс увайшлі 11 палітыкаў, навукоўцаў, бізнэсмэнаў, спартсменаў, грамадскіх дзеячаў і зорак шоу-бізнесу.
У шорт-лісце — прэзідэнты Турцыі Рэджэп Таіп Эрдаган і Расіі Уладзімір Пуцін, новаабраны амерыканскі прэзідэнт Дональд Трамп і Хілары Клінтан, што прайграла гэтыя выбары, прэм'ер-міністр Індыі Нарэндра Модзі, якога чытачы назвалі чалавекам года паводле свайго галасавання, заснавальнік Facebook Марк Цукерберг, Найджэл Фарадж — былы кіраўнік брытанскай партыі UKIP, што спрычынілася да Брэксіту, спявачка Беёнсе, амерыканская гімнастка Сайман Бэйлс, што заваявала ў Рыа-2016 чатыры залатыя медалі і адзін бронзавы, група людзей, што раскрылі інфармацыю аб атручанай вадзе ў амерыканскім горадзе Флінт, а таксама навукоўцы, што распрацавалі наватарскую новую тэхналогію, якая можа рэдагаваць ДНК.
«Чалавека года» паводле версіі рэдакцыі Time абвесціць 7 снежня.
У 2015-м гэтае званне дасталося канцлеру ФРГ Ангеле Меркель.