Казнёў займаў пасаду міністра ўнутраных спраў Францыі з красавіка 2014 года. Фота: AFP
Міністр унутраных спраў Бернар Казнёў прызначаны новым прэм'ер-міністрам Францыі, перадае Бі-бі-сі.
Мануэль Вальс, які раней займаў пасаду прэм'ера, у аўторак падаў у адстаўку, каб засяродзіцца на прэзідэнцкай выбарчай кампаніі.
У панядзелак Вальс афіцыйна вылучыў сваю кандыдатуру для ўдзелу ў прэзідэнцкіх праймерыз Сацыялістычнай партыі.
Казнёў у апошнія два гады узначальваў Міністэрства ўнутраных спраў Францыі. Менавіта ў гэты перыяд у Францыі здарыліся два буйныя тэракты — у Парыжы і Ніцы, якія забралі жыцці больш за 230 чалавек.
Вальс, Казнёў і цяперашні прэзідэнт Францыі Франсуа Алянд з'яўляюцца прадстаўнікамі Сацыялістычнай партыі.
0
0
0
0
0
0
