Напярэдадні выхаду новага эпізоду культавай сагі «Зорныя войны» мінскі гурт HURMA прэзентуе кліп на песню «Люк, я твой тата». Культавы радок з сагі быў узяты невыпадкова: песня распавядае гісторыю чалавека, які вырас без бацькі. У кліпе з’яўляецца і той самы галівудскі Дарт Вейдэр, якога хлопчык прымае за свайго бацьку.
Рэжысёрам новага відэа стаў Арцём Лобач. Гэта ўжо другая праца беларускага кліпмэйкера ў супрацоўніцтве з гуртом HURMA. Галоўную ролю ў кліпе сыграў маленькі акцёр з Магілёва Іван Клімовіч.
Тэкст песні «Люк, я твой тата» на пачатку года быў апублікаваны ў дэбютным паэтычным зборніку «Развітанцы» Мікіты Найдзёнава. Кніга ўвайшла ў шорт-ліст літаратурнай прэміі «Дэбют» імя Максіма Багдановіча.
0
0
0
0
0
0
