Следчы камітэт праводзіць праверку па факце траўмавання рабочага на будаўніцтве Беларускай АЭС. Пра гэта БелТА паведаміў афіцыйны прадстаўнік УСК па Гродзенскай вобласці Сяргей Шаршаневіч.
«Цяпер праводзіцца праверка па факце няшчаснага выпадку на тэрыторыі АЭС. 2 снежня рабочы спатыкнуўся на лесвіцы і ўпаў, атрымаўшы пералом сцягна і ўдары. Жыццю яго нічога не пагражае», — адзначыў Сяргей Шаршаневіч.
Начальнік аддзела інфармацыі і грамадскіх сувязей ДП «Беларуская АЭС» Эдуард Свірыд падкрэсліў, што іншых няшчасных і тым больш трагічных выпадкаў у апошні час не было. «Афіцыйна заяўляем, што інфармацыя аб няшчасным выпадку, што пацягнуў смерць рабочага, якая з'явілася ў інтэрнэце, не адпавядае рэчаіснасці», — сказаў ён.
0
0
0
0
0
0
