Facebook распавёў, якія тэмы найчасцей абмяркоўваліся ў сацсетцы ў 2016 годзе
Стала вядома, якія тэмы былі самымі папулярнымі ў Facebook у 2016 годзе.
Як можна здагадацца, больш за ўсё ў сацсетцы абмяркоўвалі прэзідэнцкія выбары ў Амерыцы. На другім радку па частаце абмеркаванняў і згадак — бразільская палітыка, на трэцяй — гульня Pokemon Go.
Далей ідуць рух Black Lives Matter і філіпінскія прэзідэнцкія выбары адпаведна. У апошнім выпадку карыстальнікаў Facebook цікавіла асоба цяперашняга прэзідэнта Філіпін Радрыга Дутэртэ.
У дзясятку самых папулярных тэм таксама патрапілі Алімпійскія гульні, рэферэндум аб выхадзе Вялікабрытаніі са складу ЕС, Супербоўл (фінальная гульня за званне чэмпіёна Нацыянальнай футбольнай лігі ў ЗША).
Не засталіся без увагі карыстальнікаў сеткі таксама музыка Дэвід Боўі і баксёр Махамед Алі, якія памерлі ў гэтым годзе.
Акрамя таго, стала вядома, што ў дадзены момант супрацоўнікі Facebook тэстуюць новую функцыю, прызначаную для вельмі камунікабельных карыстальнікаў.
Сутнасць яе ў тым, што ў версіі Facebook для OC Windows аўтаматычна адкрываецца новае акно, калі нехта каментуе паведамленне карыстальніка або згадвае яго ў сваёй публікацыі. Па словах кіраўніцтва сацсеткі, рашэнне распрацаваць новую функцыю было прынята ў сувязі з тым, што многія карыстальнікі скардзіліся на немагчымасць адначасова чытаць стужку і актыўна ўдзельнічаць у абмеркаваннях.
Каментары