Супрацоўнікі службы бяспекі дэлійскага міжнароднага аэрапорта імя Індзіры Гандзі знайшлі 16 кг золата, схаваныя ў дзіцячых падгузніках, піша ВВС.
Ахову зацікавілі дзве пары з дзецьмі, якія прыбылі ў Дэлі з Дубая. Пры аглядзе ў іх знайшлі 16 кілаграмовых зліткаў золата, якія былі схаваныя ў падгузнікі і ручнікі.
Кошт знойдзенага золата складае каля паўмільёна даляраў.
Цяпер мытнікі вядуць допыт затрыманых пасажыраў.
Мясцовыя СМІ паведамляюць, што затрыманыя аказаліся жыхарамі індыйскага горада Сурат.
0
0
0
0
0
0