У сталіцы Германіі грузавік урэзаўся ў калядны кірмаш, змяўшы некалькі палатак.
Гэта здарылася а 20-й гадзіне паводле сярэдняеўрапейскага часу (22:00 па Мінску) у пачатку вуліцы Курфюрстэндам, непадалёк ад царквы кайзера Вільгельма. Паводле берлінскай паліцыі, загінулі 9 чалавек. Берлінскія СМІ пішуць пра 50 параненых.
Паліцыя затрымала кіроўцу грузавіка. Адразу пасля аварыі ён выскачыў з кабіны і паспрабаваў уцячы. Другі чалавек, што знаходзіўся ў кабіне, па папярэдніх дадзеных, памёр ад траўмаў.
23:12
Нямецкія СМІ паведамляюць пра некалькі загінулых і 50 параненых.
Паліцыя Берліна паведамляе пра 9 загінулых
23:03
Прынамсі адзін чалавек загінуў, ёсць параненыя ў выніку таго, што грузавік урэзаўся ў тлум на калядным кірмашы.
Здарэнне адбылося ў Берліне, у прэстыжным раёне Курфюрстэндам, паведамляе агенцтва Ройтэрз.
Пакуль вядома вельмі мала дэталяў інцыдэнту.