«НТВ — далоў, Белсат — дамоў»: каля Адміністрацыі прэзідэнта прайшла акцыя ў падтрымку тэлеканала
Каля Адміністрацыі прэзідэнта прайшоў пікет з нагоды магчымага закрыцця тэлеканала «Белсат». Нагадаем, што польскі ўрад прыняў рашэнне пра змяншэнне датацый на «Белсат» на 2017 год на дзве траціны.
Відэаанлайн:
Агулам у акцыі ўзялі ўдзел васьмёра чалавек, сярод іх Павел Севярынец, Анатоль Лябедзька, Алег Корбан. Трое міліцыянтаў склалі на іх пратаколы. Прысутнічаў камандзір мінскага АМАПа Дзмітрый Балаба.
Актывісты скандавалі «Без Белсата будзе вата», «НТВ — далоў, Белсат — дамоў», «Лукашэнка — не, Ананіч — не, Карпенка — не, Белсат — так», «Не — рускаму міру, не — Рыжскаму міру».
Севярынец заклікаў міліцыянераў і пракурораў каяцца, каб беларускі народ іх прабачыў.
Пасля акцыі, якая доўжылася каля 50 хвілін, супрацоўнік Адміністрацыі прэзідэнта запрасіў Севярынца ў прыёмную. Разам з Паўлам на перамовы пайшлі яшчэ чацвёра ўдзельнікаў акцыі. Журналістам прысутнічаць не дазволілі.
Па словах Севярынца, у Адміністрацыі яны пакінулі пісьмовую заяву з патрабаваннем адключыць расійскія каналы і ўключыць «Белсат» у беларускую сетку вяшчання.
Цяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук4
«Гэтая партыя прайграная». Беларускія даследчыкі — пра тое, у што ператварылася Акадэмія навук
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары