11-гадовы расійскі журналіст Яўген Грышын узяў інтэрв'ю ў малодшага сына прэзідэнта Беларусі. Юны журналіст, у прыватнасці, спытаў, ці хоча Коля Лукашэнка стаць пераемнікам свайго бацькі.
Аб некаторых падрабязнасцях інтэрв'ю паведаміў тэлеканал «Беларусь-1». У прыватнасці, паказалі кадры, дзе малодшы сын прэзідэнта грае ў чатыры рукі з выкладчыкам на раялі, катае юнага журналіста на электракары, вучыць яго стаяць на лыжах, а таксама паказвае госцю знакамітую прэзідэнцкую ферму — і трусоў, і коз.
«Такога малака ты нідзе не каштаваў», — кажа Коля.
Таксама з сюжэту вынікае, што 11-гадовы госць з Расіі пабываў на прэзідэнцкай ёлцы ў Палацы Рэспублікі і згуляў у хакей з Аляксандрам Лукашэнкам.
Нягледзячы на тое, што Коля і юны журналіст амаль аднагодкі, на відэа выразна відна значная розніца ў росце, і ў сына прэзідэнта далёка не дзіцячы голас.
Коля Лукашэнка ўпершыню з'явіўся на публіцы, калі яму было ўсяго два гады. З тых часоў ён увесь час суправаджае бацьку на афіцыйных мерапрыемствах, хай гэта будзе сустрэча з кіраўнікамі дзяржаў або пасяджэнне ў ААН. Нягледзячы на тое, што малодшы сын прэзідэнта, па яго ж словах, ходзіць у звычайную школу, гэта не перашкаджае яму рэгулярна прапускаць заняткі, з'язджаючы з прэзідэнтам у міжнародныя камандзіроўкі.
Пры гэтым на камеру Коля Лукашэнка раней практычна нічога не прамаўляў. Сустрэча з юным журналістам з Расіі — гэта яго першае інтэрв'ю.
На «Беларусь-1» сюжэт пакажуць ужо сёння 25 снежня у 18:05.
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары