04.01.2017 / 22:04

Названы новы орган у стрававальнай сістэме чалавека 5

У ходзе даследаванняў, праведзеных ва ўніверсітэце Лімерыка ў Ірландыі, частка стрававальнай сістэмы чалавека атрымала новую класіфікацыю і цяпер называецца органам, піша ВВС.

Тут і ніжэй выявы: The Lancet Gastroenterology & Hepatology

Раней лічылася, што брыжэйка, якая злучае страўнік з кішэчнікам, складаецца з мноства асобных частак.

Аднак, як высветліў ірландскі хірург прафесар Дж. Келвін Кофі, на самай справе гэта суцэльны орган.

Па словах прафесара Кофі, вынікі яго даследавання, апублікаваныя ў часопісе Lancet, могуць адкрыць новую эру ў навуцы і спрыяць разуменню шэрагу захворванняў.

Аднак цяпер патрабуюцца дадатковыя даследаванні, каб высветліць дакладную функцыю «новага органа».

«Мы ўжо высветлілі анатомію і структуру брыжэйкі, цяпер чарга за функцыяй, — кажа прафесар Кофі. — Калі зразумець функцыю органа, можна высветліць і парушэнне гэтай функцыі — і такім чынам вызначыць захворванне. А ўсё разам гэта дае новае поле для навуковага даследавання брыжэйкі».

Кофі упэўнены, што брыжэйка заслугоўвае такога ж уважлівага вывучэння, як і ўсе астатнія органы чалавечага арганізма.

Не выключана, што гэты орган грае важную ролю ў такіх захворваннях, як рак кішэчніка, запаленне кішэчніка, дыябет і атлусценне.

Брыжэйка ўяўляе з сябе складзеную ўдвая брушыну, якая высцілае брушную паражніну. Яна прымацоўвае да задняй сценкі жывата страўнік, тонкую кішку, тоўстую кішку і іншыя полыя органы.

nn.by

3
фцф / Адказаць
05.01.2017 / 20:14
Брыжэйка - дэпо тлушчу, то бок - здору. А таксама месца для сасудаў і вегетатыўных нэрваў кішкі. Заўсёды лічылася "прыдаткам" страўніка і кішак. Але ў часы сусветнага пера-падзелу, сепарацыі і аўтанамізацыі стала "самастойным, "незалежным" ворганам". Амаль як Беларусь стала "вольнай і незалежнай" ад Расеі ...
1
Сергей / Адказаць
05.01.2017 / 21:44
О́рган — обособленная совокупность различных типов клеток и тканей, выполняющая определённую функцию в пределах живого организма. НЕТ ФУНКЦИИ - НЕТ ОРГАНА. Не фантазируйте.
2
Даніл / Адказаць
05.01.2017 / 23:39
А вось і канапныя спэцыялісты набеглі. Пэўна ўжо даследванні правялі?!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру