Беларусь падняла тарыфы на транзіт нафты па магістральных трубаправодах праз тэрыторыю краіны. Такое рашэнне змяшчаецца ў пастанове Міністэрства антыманапольнага рэгулявання і гандлю, якая 4 студзеня апублікавана на Нацыянальным прававым інтэрнэт-партале.
Гаворка ідзе аб транспарціроўцы нафты па магістральных трубаправодах ААТ «Гомельтранснафта Дружба» і «Полацктранснафта Дружба» з Расеі ў іншыя краіны Еўропы.
Дакумент уступае ў сілу з 1 лютага 2017 года і будзе дзейнічаць да 31 сакавіка 2017 года.
З дакумента вынікае, што транспарціроўка нафты па магістральных трубаправодах ААТ «Гомельтранснафта Дружба» па маршруце Унеча (Высокае) - Адамава Застава устанаўліваецца на ўзроўні 287,90 руб. за тону без уліку ПДВ (раней 267,32 руб). Транспарціроўка тоны нафты па маршруце Унеча (Высокае) - Броды зараз складзе 123,66 руб. (Раней 114,82 руб.)
Новыя тарыфы будуць дзейнічаць з 1 лютага па 31 сакавіка 2017 года.
Такім чынам тарыфы на транспарціроўку нафты з Расіі для беларускай «Гомельтранснафта Дружба» павысіліся на 7,7%, а для «Полацктранснафта Дружба» - 11,76%.
Гэта павышэнне цалкам адпавядае заяве Федэральнай антыманапольнай службы Расіі ад 28 снежня. Тады ў Маскве заявілі, што тарыфы на транзіт ўзгодненыя, але ў Мінску адзначылі, «што нічога яшчэ не вырашана».
