07.01.2017 / 21:34

Беларус сабраў на Kickstarter 71 тысячу еўра на незвычайную зарадную прыладу 14

Малады вынаходнік з Беларусі Міхаіл Вага прыдумаў і распрацаваў зарадную прыладу для мабільнага тэлефона, якая выкарыстоўвае энергію чалавечага цела, паведамляе Myfin.by. Пра хлопца напісала брытанская газета The Telegraph.

HandEnergy

Прыладу 19-гадовы хлопец назваў HandEnergy. Яна дазваляе зараджаць мабільнік, проста круцячы рукой. Гэта дзеянне актывуе гіраскоп, які і назапашвае энергію. Яе можна акумуляваць у батарэях альбо адразу ж перанакіроўваць на тэлефон.

З задумкай арганізаваць вытворчасць Міхаіл выйшаў на вядомы краўдфандынгавы сайт Kickstarter, дзе спадзяваўся сабраць на яе рэалізацыю 50 тысяч еўра. У выніку ж атрымаў 71 тысячу ад 832 чалавек, якія хацелі б неадкладна стаць уладальнікамі такой прылады.

Цяпер маладому вынаходніку трэба будзе наладзіць выпуск гэтых інавацыйных зарадных прылад, каб затым адправіць іх у тым ліку сваім краўдфанд-спонсарам.

Распрацоўка HandEnergy заняла больш за год. Міхаіл кажа, што яна ідэальна падыходзіць для тых, хто праводзіць вялікую колькасць часу далёка ад традыцыйных крыніц энергіі.

HandEnergy

Каб цалкам зарадзіць батарэі прылады, трэба папрацаваць ад 40 да 60 хвілін. Калі пры гэтым адразу ж ідзе і зарадка тэлефона, час на 30% павялічваецца.

Акрамя таго, што HandEnergy з'яўляецца крыніцай энергіі для экстраардынарных выпадкаў, яе можна разглядаць і як прыклад выкарыстання «чыстай» энергіі, кажа вынаходнік.

Ён спадзяецца выпусціць сваю зарадную прыладу ў продаж у сакавіку 2017 года. Плануецца, што каштаваць яна будзе ў розніцы 99 еўра.

nn.by

4
Римша / Адказаць
07.01.2017 / 21:53
Чем бы дитя не тешилось, лишь бы зарядное поверх одеяла держала))))
1
алекс / Адказаць
07.01.2017 / 22:02
Вы только представьте себе, сколько кругов ада ему пришлось бы пройти в Беларуси, реши он реализовать этот проект тут......
И пока мы, Беларусь, не проведем экономические реформы - мы так и будем выращивать свинней вместо "единорогов".....
1
Павел Бандаровіч / Адказаць
07.01.2017 / 22:20
Верхняя фотка - адразу ў топку. Ёсць у мяне гэты Power Ball - праз пару хвілін кручэння ўжо прапацееш увесь дзелавы гарнітур!)) А праз хвілін 10 стамляешся ўканец, калі адносна хутка круціць. Але ж хлопец малайчына, калі прыдумаў як туды дынама-машыну ўставіць. Хай зарабляе!
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру