Цім Кук. Фота mstatic.igom.by
Зарплаты і бонусы ўсіх кіраўнікоў вышэйшага звяна Apple былі зрэзаныя праз зніжэнне паказчыкаў па продажах і прыбытку, паведамляе BBC.
Цім Кук пры гэтым атрымаў дадатковы даход ад продажу акцый кампаніі ў памеры 136 млн даляраў.
Фінансавы дырэктар Apple Лука Маэстры і старэйшы віцэ-прэзідэнт па рознічных продажах Ангела Арэндтс атрымалі гадавы заробак у памеры 23 млн даляраў кожны — на 2 млн менш, чым у 2015 годзе.
Інфармацыя пра даходы менеджараў змяшчаецца ў дакументах, прадстаўленых кампаніяй амерыканскаму фінансаваму рэгулятару — дзяржаўнай камісіі па каштоўных паперах і фондавым рынку.
Чысты аб'ём збыту Apple летась склаў 215,6 млрд даляраў — на 7,7% ніжэй, чым у 2015 годзе. Аперацыйны прыбытак склаў 60 млрд даляраў — на 15,7% ніжэй паказчыкаў папярэдняга года.
