Прэзідэнт Украіны Пятро Парашэнка склаў спіс кніг, прачытаных за 2016 год, якія яго ўразілі і якія, паводле яго словаў, вартыя для ўвагі. «Цікавыя кнігі» называецца яго допіс.
На 4-м месцы пазіцыі ў спісе з шасці пазіцый — кніга нобелеўскай лаўрэаткі Святланы Алексіевіч «Час сэканд-хэнд».
«Ніхто нас не вчив, як бути вільними. Нас тільки вчили, як вмирати за свободу», — пракаментаваў выбар Парашэнка.
У спісе таксама ўспаміны гетмана Скарападскага, кніга Аляксандра Палія «25 перамог Украіны», «Тампліеры» Сяргея Жадана, Анталогія ўкраінскай паэзіі ХХ ст., а таксама кніга «Казімір Малевіч. Кіеўскі перыяд 1928—1930» Таццяны Філеўскай.