Расійская дзяржаўная абаронная замова ў 2017 г. можа быць невыкананая ў сувязі з дэфіцытам важных камплектуючых для міжкантынентальных ракетных сістэм «Ярс», піша Коммерсант.
З-за цяжкай эканамічнай сітуацыі Падольскі электрамеханічны завод можа не паставіць своечасова кампаненты гідраўлічных сістэм пускавых установак.
Па інфармацыі выдання, з-за гэтых праблем з'явілася прапанова стварыць новую вытворчасць патрэбных камплектуючых на Каўроўскім электрамеханічным заводзе. На гэта можа спатрэбіцца прыкладна паўтары гады.
«Ярс» (РС-24, класіфікацыя НАТА SS-27 Mod 2) - развіццё комплексаў «Топаль-М», паступае на ўзбраенне Ракетных войск стратэгічнага прызначэння Расіі з 2009 года. Вырабляюцца ў мабільным і стацыянарным (шахтным) варыянтах.
Ракеты нясуць падзельную галаўную частку з блокамі індывідуальнага навядзення. Магутнасць зараду — ад 150 да 300 кілатон. Вага ракеты - каля 50 т. Дальнасць - 11.000 км.
