11.01.2017 / 13:45

Мінгарвыканкам: Будаўніцтва «Газпром-цэнтра» закансерваванае з 22 снежня 7

Будаўніцтва шматфункцыянальнага комплексу «Газпром-цэнтр» закансерваванае з 22 снежня 2016 года. Пра гэта паведаміў БелаПАН намеснік старшыні камітэта будаўніцтва і інвестыцый Мінгарвыканкама Мікалай Бутрым.

Паводле яго слоў, дакумент аб кансервацыі аб`екта падпісаў генеральны дырэктар ААТ «Газпром трансгаз Беларусь» Уладзімір Маёраў.

Работы па будаўніцтве шматфункцыянальнага комплексу практычна не вядуцца з канца жніўня. Паводле неафіцыйнай інфармацыі, асноўнай прычынай прыпынення стала скарачэнне фінансавання праекта з боку ААТ «Газпром» з-за газавай спрэчкі паміж Беларуссю і Расіяй. «Яны (расіяне) спрабавалі нам неафіцыйна намякнуць, што грошы, якія мы павінны плаціць Расіі за газ, гэта і ёсць тыя грошы, за якія будуецца гэты аб`ект. І калі мы перастаем плаціць, то аўтаматам перастае фінансавацца гэтая будоўля», — растлумачыла БелаПАН у снежні інфармаваная крыніца.

Сёння гэтую інфармацыю пацвердзіла іншая кампетэнтная крыніца. Паводле яе слоў, будаўніцтва комплексу будзе адноўленае пасля таго, як Беларусь разлічыцца з Расіяй па даўгах за газ, якія перавышаюць 400 млн долараў. «Грошы могуць з`явіцца, калі будзе вырашаны газавы канфлікт», — сказаў ён.

Іншай прычынай кансервацыі будаўніцтва «Газпром-цэнтра» называліся тэхнічныя праблемы.

Бутрым гэта пацвердзіў. «Аб`ект падзяляецца на дзевяць пускавых комплексаў, адзін з пускавых комплексаў — вышынная частка. Вось па вышыннай частцы вядуцца новыя разлікі», — паведаміў намеснік кіраўніка камітэта будаўніцтва і інвестыцый гарвыканкама. З-за таго што будынак вельмі высокі (189 метраў), з часам ён будзе прасядаць, таму зараз разглядаюцца варыянты ўмацавання падмурка альбо зніжэння вышыннасці будынка, растлумачыў Бутрым.

Кампанія «Газпром трансгаз Беларусь» сітуацыю не каментуе.

0
Справедливый / Адказаць
11.01.2017 / 14:05
Снести нафиг и построить супермаркет
0
да-с / Адказаць
11.01.2017 / 14:08
Мечты, разбитые вдребезги, как и вокзал, который минские воры из исполкома отдали за приличный куш в руки братьев по запаху-духу газа. А там еще, из-за усадки грунта вследствие строительных работ, того и гляди, кристалл знаний - нацбиблиотека рухнет... И недостроев по Минску не пересчитать. Нахапались денег инвесторов, растягали их по бездонным карманам. Не так давно Лукич грозился повесить замок на горисполкоме, а чиновников-казнокрадов устроить на шконки. Но шконки пустуют, а слова диктатора отдыхают, а стройки закрыты до второго пришествия неизвестно кого...
0
Iмя / Адказаць
11.01.2017 / 14:40
Верните вокзал!
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру